विश्व स्वास्थ्य संगठन (डब्लुएचओ) ले नेपाललाई आपतकालीन सहयोगको आवश्यक रहेको बताएको छ । नियमित पत्रकार सम्मेलनमा डब्लुएचओका महानिर्देशक डा.टेड्रोस एड्हानोस गेहब्रेससले नेपाल लगायत भियतमान, क्याम्बोडिया, थाइल्याण्ड र इजिप्टमा आपतकालीन सहयोगको खाँचो रहेको जनाएका हुन् । उनले अफ्रिकी र अमेरिकी महादेशका केही देशहरुमा पनि संक्रमण बढेको भन्दै अन्तर्राष्ट्रिय निकायबाट आपतकालीन सहयोगको खाँचो रहेको बताए । नेपालको दक्षिणी छिमेक भारतम पनि कोरोना महामारीले उच्च रुप लिएपनि नेपालको अवस्था बढी जोखिममा रहेको डब्लुएचओको भनाइ छ । जनसंख्याका आधारमा भारतमा प्रति एक हजारमा २६ जना संक्रमित भएकोमा नेपालमा प्रति हजार ३१ ज्नामा संक्रमण पुष्टि भएको डब्लुएचओको भनाइ छ । दोस्रो लहरको कोरोना महामारी नियन्त्रण बाहिर गएकाले मृत्यु दर समेत बढ्दै गएकाले आपतकाली सहयोगको खाँचो रहेको डब्लुएचओको निष्कर्ष छ ।
तर, नेपालका स्वास्थ्य अधिकारीहरुले भने यो निष्कर्ष डब्लुएचओको भएको जवाफ दिएको छ । नेपालमा कोरोना महामारी नियन्त्रणमै रहेको अन्तर्राष्ट्रिय सञ्चार माध्यमहरुलाई स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले बताएका छन् । गौतमको भनाइ मान्ने हो भने नेपालमा कोरोना महामारीको संक्रमितले उपचार पाउने र संक्रमण रोकथाममा योग्य रहेको पुष्टि हुन्छ । आपतकालीन सहयोगको खाँचो रहेको बारेमा समेत कुनै छलफल नभएको स्वास्थ्य मन्त्रालयको निष्कर्ष रहेको गौतमले बताएका छन् । तर गौतमको भनाइ र डब्लुएचओको आग्रह कुन सत्य हो भन्ने चाहिँ महामारी देखिजान्नेहरु प्रष्टै छन् ।
हुन त प्रधानमन्त्री केपी शर्मा ओलीले शुक्रबार मात्रै पनि संक्रमितले उपचार नपाउने अवस्था नरहेको बताएका थिए । तेस्रो पटक प्रधानमन्त्रीको पदभार ग्रहण गरेपछि प्रधानमन्त्री ओलीले रोकथामका निम्ति यथोचित काम भइरहेको र संक्रमितले उपचार नपाउनुपर्ने अवस्था नरहेको दावी गरेका छन् । केही दिन अगाडि मात्रै पनि प्रधानमन्त्री ओलीले महामारी नियन्त्रणमै रहेको बताएका थिए । अन्तर्राष्ट्रिय सञ्चार माध्यम (सीएनएन) लाई अन्तर्वार्ता दिदै ओलीले प्रचार गरिए जस्तो महामारी नियन्त्रण भन्दा बाहिर नगएको बताएका थिए । प्रधानमन्त्रीकै भनाइ पछ्याउँदै स्वास्थ्य मन्त्रालयको प्रवक्ता गौतमले बोलेका छन् । यसले वास्तविकता लुकाउने र नागरिकको पीडाबारे सरकार जिम्मेवार नरहेको अनुभूति हुन्छ । त्यसैले झुटो अभिव्यक्ति दिएर होइन, वास्तविकता सार्वजनिक गरेर नागरिकको जीवनरक्षामा सरकार प्रतिबद्ध हुन जरुरी छ । अभिव्यक्तिकै कारण नागरिकले अर्को अनुभूति गर्ने अवस्था आउनु हुन्न ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies