काठमाडौं : प्रतिनिधिसभाको आजको बैठक स्थगित भएको छ ।
दिउँसो १ बजेका लागि तय भएको बैठक दुई पटक स्थगित भएर साँझ साढे ६ बजे मात्रै बसेको थियो ।
तर बैठक सुरू हुनेबित्तिकै प्रतिपक्षी दलका सांसदहरूले उठेर विरोध जनाएपछि बैठक कार्यसूचीमै प्रवेश नगरी स्थगित भएको हो ।
सभामुख देवराज घिमिरेले सदनको कारबाही सुरु भएको घोषणा गरेलगत्तै विपक्षी दलहरूले उभिएर सदन अवरुद्ध गरेका थिए ।
बैठक भोलि दिउँसो २ बजे बस्ने छ ।
