चितवन : नेपाली कांग्रेसका सभापति शेरबहादुर देउवाले सत्तारुढ दल नेपाली कांग्रेस र नेकपा एमालेबीच असमझदारी देखिनु सामान्य विषय भएको बताएका छन् ।
चितवनस्थित भरतपुर विमानस्थलमा सञ्चारकर्मीहरूसँग कुरा गर्दै सभापति देउवाले सत्ता गठबन्धनमा साझेदारी गरे पनि एमाले फरक दल भएकाले असमझदारी देखिनु सामान्य भएको बताए ।
उनले केही विषयमा असमझदारी भए पनि सरकार भने आपसी सहमतिअनुसार नै अघि बढेको जानकारी दिए ।
सभापति देउवाले कांग्रेसले आग्रह गरेपछि नै सरकारले बजेटबाट ‘टेक एन्ड पे’ व्यवस्था सहज रूपमा हटाएको जिकिर गरे ।
कांग्रेसको महाधिवेशन समयमै हुने दावी गर्दै सभापति देउवाले विधान अनुसार हुने बताए ।
