काठमाडौं : हिमालयन एभरेष्ट इन्स्योरेन्सलाई सिंगापुरमा आयोजित इन्स्योरेन्स एसिया अवार्ड २०२४ मा ‘डोमेस्टिक जेनेरल इन्स्योरर–नेपाल’ र ‘स्ट्राटजिक पार्ट्नर शिप अफ द इयर–नेपाल’ अवार्ड प्राप्त गर्न सफल भएको छ ।
कम्पनीका डेपुटी जेनेरल म्यानेजर, सञ्जय अर्यालले भने ‘यी अवार्डहरुले हामीलाई नयाँ मापदण्डहरु बनाउन र हाम्रा सेवाग्राहीहरुलाई अझै उत्कृष्ट सेवाहरु प्रदान गर्न प्रेरित गरेको छ, हामी लाई यहाँसम्म आइपुग्न साथ दिनुहुने समस्त सेवाग्रही तथा साझेदारहरु प्रतिआभार व्यक्त गर्न चाहन्छौं ।’
दुवै अन्तर्राष्ट्रिय अवार्डहरुले डिजिटल सेवाहरु र एनसेल, इसेवा र खल्ती जस्ता कम्पनीहरुसँगको साझेदारीमार्फत वित्तीय समावेशीकरणलाई प्रवर्द्धन गर्न हिमालयन एभरेष्ट इन्स्योरेन्सले निर्वाह गरेको मुख्य भूमिकालाई उजागर गरेको छ ।
बीमा उद्योगमा हिमालयन एभरेष्ट इन्स्योरेन्सको नेतृत्व, नवप्रवर्तन र उत्कृष्टताप्रतिको समर्पणलाई बलियो बनाएको कम्पनीले जनाएको छ ।
