काठमाडौं : सरकारको अव्यवहारिक निणर्यको कारण क्रसर, खानी तथा वालुवा उद्योगको नविकरणमा नभएको भन्दै क्रसर उद्योगीले तालाचाबी बुझाउने चेतावनी दिएका छन् ।
बुधबार काठमाडौंमा पत्रकार सम्मेलन गरी नेपाल क्रसर तथा खानी उद्योग व्यवसायी महासंघले क्रसर, खानी तथा वालुवा उद्योगहरुको नवीकरण नभए आगामी असार १ गतेदेखि देशभरका क्रसर, खानी तथा बालुवा उद्योग एवं बिक्री वितरण अनश्चित कालका लागि बन्द गर्ने बताएका छन् ।
यस्तै उनीहरुले क्रसर उद्योगहरुमा भएका गाडी, मेशिनरी औजार, हेवी इक्वीपमेन्ट तथा कार्यरत मजदुरहरु समेत राजमार्गमा राखेर विरोध प्रदर्शन गर्ने महासंघका महासचिव पुरुषोत्तम रेग्मीले बताए । उद्योगीहरुले विगत १० बर्ष देखि निरन्तर क्रसर, खानी तथा वालुवा उद्योगहरुले नविकरण सम्बन्धी समस्या झेल्दै आएको बताएका छन् ।
