खडानन्द अधिकारी/मध्यान्ह
कालिकोट : कर्णाली करीडोर अन्तर्गत कालिकोट जिल्लाको कर्णाली नदीमा पर्ने खुलालु पुलको काम ९० प्रतिशत सकिएको छ । आर्थिक बर्ष ०६८/६९ मा कन्काइ नेपाल प्रगती जेभी काठमान्डौंले निमार्णको जिम्मा पाएपछि सो पुलको निमार्ण कार्य सुरु भएको थियो ।
करिब १० वर्ष पछि पुलको काम अन्तिम चरणमा पुगेपछि कर्णाली करीडोर अन्र्तगत पर्ने कालिकोट र बाजुरा जिल्ला लगाएत करीडोर आसपासका स्थानीयहरुमा खुसियाली छाएको छ । भ्याट सहित १४ करोडमा पुलको निमार्ण कार्य भएको जेभीका प्रतिनिधि दीपकराज मैनालीले बताए ।
विश्व व्यापी रुपमा फैलिएको कोरना महामारीका कारण पुल निमार्ण कार्यमा केही ढिलाइ भएको उनले बताए । मैनालीका अनुुसार पुल निमार्ण गर्दा आफुहरु संग सम्झौता अगाडि भएपनि काम भने २०७४ बाट सुरु भएको र आउने माघ १५ भित्र सकिनेछ ।
शनिबार कर्णाली करिडोर संगै खुलालु पुलको अनुगमन गर्न पुगेका कालिकोट जिल्ला प्रमुख जिल्ला अधिकारी कृष्ण प्रसाद आचार्यले भने अहिले पुलको काम पुरै नसकिइएकाले सवारीसाधनलाई आफ्नो लागि भएपनि पुलमा वहर दोहर नगर्न अनुरोध गरे । प्रमुख जिल्ला अधिकारी आचार्यले कुनैपनि योजनालाई दिगो र प्रभावकारी बनाउनको लागि स्थानीय लगाएत सरोकारवालाको भुमिका हुने बताए । अनुगमनमा जिल्लाका सुरक्षा निकायका प्रमुख, पत्रकार र सरोकारवालाहरुको सहभागिता रहेको थियो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies