एजेन्सी : हेइटीका राष्ट्रपति जोभेनेल मोइसको हत्यामा संलग्न रहेको अभियोगमा पुर्व सिनेटर पक्राउ परेका छन् । हेइटीका पुर्व सिनेटर जोन जोएल जोसेफेलाइ जमैकाबाट पक्राउ गरिएको हो ।
गत वर्षका जुलाई सातमा हेइटीको राजधानी पोर्ट औ प्रिन्सस्थित आफनै निवासमा राष्ट्रपति मोइसको गोली हानी हत्या गरिएको थियोे ।
राष्ट्रपतिको हत्या सम्बन्धमा छानबिन गरिरहेको हेइटीको प्रहरीले तयार पारेको १ सय २४ पृष्ठ लामो अनुसन्धान प्रतिवेदनमा जोसेफले नै राष्ट्रपतिको हत्यामा महत्वपुर्ण भुमिका खेलेको उल्लेख छ ।
पक्राउ परेका जोसेफकै योजनामा हत्या गरिएको र उनले हतियार समेत उपलब्ध गराएको प्रहरीको दाबी छ ।
राष्ट्रपतिको हत्या आरोपमा यसअघि पनि थुप्रै व्यक्ति पक्राउ परेका छन् । हत्या अभियोगमै पक्राउ परेका कोलम्बियाका पूर्व प्रहरी अधिकारी मारियो एन्टोनियो पालासियोसलाई अमेरिकामा मुद्दा चलाइएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies