काठमाडौं : कुमारी बैंक लिमिटेडले लघु, साना तथा मझौला उद्योग–व्यवसाय वित्तीय साक्षरता कार्यक्रमका लागि युएसएआइडीसँग सम्झौता गरेको छ । यस सम्झौताअन्तर्गत युएसएआइडी ट्रेड एण्ड कम्पिटीभ्नेसले बैंकलाई नेपालभरका साना तथा मझौला उद्योग–व्यवसाय माझ वित्तीय साक्षरता अभिवृद्धि गर्ने पहलमा सहयोग गर्नेछ ।
बैंकले यस कार्यक्रममार्फत् १० हजार नयाँ साना तथा मझौला उद्योग–व्यवसाय लाई ‘बैंकिङ र क्रेडिट रेडी’बनाउन वित्तीय सहयोग गर्ने छ । बैंकले देशभर रहेका तीन सय दुई शाखा सञ्जाल, तीन सय १४ एटीएम, ४९ एक्सटेन्सन काउन्टर र ५९ शाखारहित बैंकिङ इकाईहरुमार्फत् ग्राहकलाई सेवा प्रदान गर्दै आइरहेको छ ।
