काठमाडौं : लोकदोहोरी शैलीमा तयार गरिएको नयाँ गीत ‘बजाउ पञ्चेबाजा’ सार्वजनिक भएसँगै दर्शक–स्रोतामाझ राम्रो चर्चा कमाउन थालेको छ । हिमाञ्चल नेपाली र रौशनी रुचालको स्वरमा सजिएको यस गीतका शब्द कृष्ण कँडेलले लेखेका हुन् ।
गीतमा अर्जुन पन्तको संगीत तथा निर्देशन रहेको छ भने संगीत संयोजन तेजेन्द्र दुराले गरेका छन् । ध्वनि रेकर्डिङको जिम्मेवारी दिवास थापामगरले सम्हालेका छन् ।
भिडियोमा महेश भुसाल र पूर्णिमा सुनारको अभिनय देख्न सकिन्छ । कमल एलेक्सको छायांकन रहेको भिडियोमा सुवास घिमिरे र निशान एसकेले सम्पादन तथा रङ संयोजन गरेका छन् ।
मौलिक पञ्चेबाजाको धुन र नेपाली सांस्कृतिक झल्को बोकेको गीतले सार्वजनिक भएको छोटो समयमै दर्शकको ध्यान खिच्दै लोकप्रियता बटुल्न थालेको छ ।
.jpg)
.jpg)
