काठमाडौं : प्रमुख प्रतिपक्ष दल नेपाली कांग्रेसका महामन्त्री प्रदीप पौडेलले सरकारले नागरिकमाथि जबरजस्ती बल प्रयोग गर्न लागेको आरोप लगाएका छन् ।
सोमबार पार्टी मुख्यालय सानेपामा सुकुम्वासी बस्ती हटाउने सरकारको कदमबारे जिज्ञासा राख्दा उनले वास्तविक सुकुम्वासीलाई समेत पीडा दिएर सरकारले जब्बरजस्ती गरेको भन्दै आपत्ति जनाएका हुन् ।
महामन्त्री पौडेलले सरकारले वास्तविक सुकुम्वासीको पहिचान समेत नगरी हतारमा सुकुम्वासीलाई दुख दिएर जे गरेपनि हुन्छ भन्ने खालको दम्भ देखाएको जिकिर समेत गरे ।
आफूहरुले सो बस्ती हटाउने सरकारको कामको विरोध भन्दा पनि वास्तविक सुकुम्वासीलाई दुःख दिएकोमा पीडाबोध भएको पनि महामन्त्री पौडेलको भनाइ थियो । सरकारले वैकल्पिक व्यवस्था नगरी सो बस्ती हटाउने कुरा पनि उचित भएको स्पष्ट पारे ।
महामन्त्री पौडेलले सरकारले बस्ती हटाउनु अघि त्यहाँका बास्तविक सुकुम्वासीहरुको पहिचान नगर्नु गलत भएको बताए ।
.jpg)
.jpg)
