काठमाडौं : नेपाली कांग्रेसले बोलाइएको संसद् स्थगित गरेर अध्यादेशमार्फत शासन चलाउने सरकारको कदमप्रति गम्भीर असहमति जनाएको छ ।
पार्टी प्रवक्ता देवराज चालिसेले एकातिर बोलाइएको संसद् स्थगित गर्ने र अर्कोतर्फ संसदलाई छलेर अध्यादेश ल्याउने कार्य लोकतन्त्रको मर्यादाविपरीत भएको बताएका हुन् ।
अध्यादेशमार्फत मुलुक चलाउने कार्यले संसद्को सर्वोच्चतालाई अवमूल्यन गर्ने उनको भनाइ छ । उनले जनताको थलोका रूपमा रहेको संसदमा सबै विषय पारदर्शी रूपमा छलफल भएर त्यहीँबाट कानुन निर्माण हुनुपर्नेमा जोड दिए ।
उनले संसदीय प्रणाली र लोकतान्त्रिक अभ्यासविपरीत ठहर कार्य नगर्न समेत सरकारलाई आग्रह गरे ।
.jpg)
.jpg)
