काठमाडौँ : राष्ट्रिय प्रजातन्त्र पार्टीले मधेश प्रदेश सभा सदस्य पदमा रिक्त रहेको स्थानका लागि महोत्तरीकी सरिता कुमारी ठाकुरलाई सिफारिस गरेको छ ।
पार्टीले यसअघि प्रदेशसभा सदस्य रहेकी कञ्चन विच्छालाई अनुशासन विपरीत गतिविधि गरेको आरोपमा पदबाट फिर्ता बोलाएको थियो ।
पार्टी निर्णय विपरीत प्रदेश सरकारमा मन्त्री पद स्वीकार गरेपछि उनीमाथि कारबाही गरिएको थियो । सो निर्णयविरुद्ध दायर गरिएको कानुनी निवेदन पनि अदालतले अस्वीकार गरेपछि उनको प्रदेशसभा सदस्यता समाप्त भएको थियो ।
विच्छा पदमुक्त भएपछि निर्वाचन आयोगबाट प्राप्त निर्देशनअनुसार रिक्त स्थान पूर्तिका लागि समानुपातिक सूचीमा दोस्रो नम्बरमा रहेकी ठाकुरलाई अघि सारिएको पार्टीले जनाएको छ ।
निर्वाचन आयोगले सरिता ठाकुरलाई बुधबार औपचारिक रूपमा प्रमाणपत्र प्रदान गर्ने तयारी गरेको छ । पार्टीका अनुसार आन्तरिक अनुशासन उल्लंघनका कारण उत्पन्न विवादपछि रिक्त भएको पद अब कानुनी प्रक्रिया अनुसार नयाँ प्रतिनिधिले पूरा गर्नेछ ।
.jpg)
.jpg)
