काठमाडौं : नेकपा एमालेकी सांसद सम्झना देवकोटाले सरकारले राष्ट्रिय सभाको शुन्य र विशेष समयमा उठेका प्रश्नहरुको जवाफ नदिएको भन्दै आपत्ति जनाएकी छन् ।
सभाको बुधबारको बैठकमा बोल्दै उनले शुन्य र विशेष समयमा सांसदहरूले उठाउने धारणा तथा जिज्ञासाप्रति सरकारले बेवास्ता गरेको भन्दै आपत्ति जनाएकी हुन् ।
उनले सरकारले यो सभालाई महत्व नदिएको हो ? भन्दै प्रश्न समेत गरिन् । उनले सरकारले जवाफ नदिने भए सभाको शून्य समय र विशेष समयको कुनै महत्व नरहने बताइन् ।
उनले भनिन्, ‘शून्य समय र विशेष समयमा राखेका हाम्रा धारणा र जिज्ञासाहरुको सरकारले कहिले पनि जवाफ दिएको छैन । हामी सधैं नाजवाफ भएर फर्किएका छौं । सरकारले यो सभालाई महत्व नदिएको हो ? अथवा उहाँहरुले त्यो जानकारी लिन नसक्नुभएको हो ? यदि सरकारबाट कुनै जवाफ नपाउने हो भने यो शून्य समय र विशेष समयको कुनै महत्व रहेन ।’
बैठकको शून्य र विशेष समयमा उठ्ने प्रश्नको जवाफ सम्बन्धित मन्त्रीले दिने प्रचलन छ ।
.jpg)
.jpg)
