काठमाडौँ : रौतहटको गुजरा नगरपालिका-५ हरिहरपुर टोलमा शुक्रबार बिहान खुकुरी प्रहारबाट एक महिलाको मृत्यु भएको छ ।
जिल्ला प्रहरीका अनुसार बिहान करिब १०:३० बजे स्थानीय चन्देश्वर साह कलवारकी श्रीमती अन्दाजी ४०-४५ वर्षीया रेनुदेवी जयसवालमाथि धारिलो हतियार प्रहार भएको थियो । घटनामा उनको घटनास्थलमै मृत्यु भएको प्रहरीले जनाएको छ ।
प्रहरीका अनुसार बाराको करैयामाई गाउँपालिका-८ इटहर बेलाही टोल स्थायी घर भई हाल गुजरा नगरपालिका–५ हरिहरपुर टोलमा बसोबास गर्दै आएका अन्दाजी ३५ वर्षीय उपेन्द्र साह कलवारमाथि आक्रमण गरेको आरोप छ ।
घटनापछि आक्रोशित स्थानीयवासीले उपेन्द्रमाथि कुटपिट गरेका थिए । गम्भीर घाइते भएका उनको चन्द्रपुर अस्पताल, चन्द्रनिगाहपुरमा उपचार भइरहेको प्रहरीले जनाएको छ ।
प्रहरीका अनुसार घटनाको कारण खुल्न बाँकी रहेको छ। घटनासम्बन्धी थप अनुसन्धान जारी रहेको जनाइएको छ ।
.jpg)
.jpg)
