धनुषा : नेपाली कांग्रेसको वडा अधिवेशनबाट धनुषाकी १८ वर्षीया युवती सुप्रिया कार्की क्षेत्रीय प्रतिनिधिमा चयन भएकी छन् ।
धनुषाको निर्वाचन क्षेत्र नम्बर ४ अन्तर्गत मिथिला नगरपालिका–११ मा असोज ४ गते सम्पन्न वडा अधिवेशनबाट कार्की सर्वसम्मत रूपमा चयन भएकी हुन् । उनी हाल बिआइटी अध्ययनरत छिन् ।
कार्की सम्भवत: मुलुककै सबैभन्दा कम उमेरमा क्षेत्रीय प्रतिनिधि बन्ने युवती हुन् । हाल उनी १८ वर्ष ४ महिनाकी मात्र रहेको बताइएको छ ।
नेपाली कांग्रेसले युवालाई प्राथमिकतामा राख्दै आएको सन्दर्भमा यस्तो प्रतिनिधित्वले युवामाझ पार्टीप्रतिको आकर्षण बढ्दै गएको विश्लेषण गरिएको छ ।
नेपाली कांग्रेसको १५औं महाधिवेशन असोज १६ देखि १९ गतेसम्म काठमाडौंमा हुने कार्यतालिका रहेको छ ।
.jpg)
