काठमाडौं : नेपाली कांग्रेसका केन्द्रीय कार्यसम्पादन समिति सदस्य आङ्गेलु शेर्पाले पार्टीको आगामी १५औँ महाधिवेशनमा केन्द्रीय महामन्त्री पदमा उम्मेदवारी दिने घोषणा गरेका छन् ।
शेर्पाले आसन्न महाधिवेशनमा महामन्त्री पदका लागि आफ्नो उम्मेदवारी रहने घोषणा गरेको पोस्टरमार्फत सार्वजनिक गरेका हुन्। पोस्टरमा उनलाई कांग्रेस कार्यसम्पादन समिति सदस्यका रूपमा उल्लेख गरिएको छ ।
आङ्गेलु शेर्पा नेपाली कांग्रेसका केन्द्रीय सदस्य हुन् । कांग्रेसले २०८३ भदौमा १५औँ महाधिवेशनमा सहभागी हुने क्रियाशील सदस्यहरूको नामावली स्वीकृत गरेको र महाधिवेशनका तयारीसम्बन्धी गतिविधि अघि बढाइरहेको जनाएको छ ।
यसअघि पनि शेर्पा कांग्रेसको महाधिवेशनसम्बन्धी विषयमा सक्रिय देखिँदै आएका छन् । २०८२ सालमा उनले चुनावअघि नै नियमित महाधिवेशन गर्नुपर्ने माग राख्ने कांग्रेसका केन्द्रीय सदस्यहरूको छलफलमा नेतृत्वदायी भूमिका निर्वाह गरेका थिए ।
आगामी महाधिवेशनमा महामन्त्री पदमा शेर्पाको उम्मेदवारी घोषणासँगै कांग्रेसभित्र महामन्त्री पदका आकांक्षीहरूको प्रतिस्पर्धा थप चर्चामा आउने देखिएको छ ।
.jpg)
