काठमाडौं : सामसुङ नेपालले आगामी कात्तिक ३० सम्म लागू हुने गरी ‘भव्य दशैं–तिहार, घरभरि उपहार’ सार्वजनिक गरेको छ । अफरमा ग्राहकले ३१ प्रतिशतसम्मको छुटमा नयाँ सामसुङ टिभी र घरेलु उपकरण खरिद गर्न सक्नेछन् ।
सामसङ टिभी खरिद गर्दा १२ महिने निःशुल्क वर्ल्डलिंक इन्टरनेट र नेटटिभी सब्स्क्रिप्सन पाउनेछन् भने सामसङ फ्रन्ट लोड वाशिङ मेसिनको खरिद गर्दा निःशुल्क ६ केजी सर्फ एक्सेल म्याटिकलगायत उपहार पाउने कम्पनीले जनाएको छ ।
सामसङले नयाँ दायराको एचडी, एफएचडी, ४के युएचडी, क्युएलईडी, नियो क्युएलईडी फोरके टिभी र फ्रेम टिभीमा आकर्षक छुट मूल्यमा मात्रै नभई विशेष बोनस उपहारसहित क्यासब्याक दिँदै आएको छ । क्यासब्याकसँगै ग्राहकले क्युएलईडी वा त्योभन्दा माथिका सामसङ टिभी मोडल खरिद गर्दा पहिलो आउनेले पहिलो सेवा पाउने सुविधाअन्तर्गत डिलरको सिफारिसमा १२ महिने निःशुल्क वर्ल्डलिंक इन्टरनेट र नेटटिभीको सब्स्क्रिप्सन पनि प्राप्त गर्न सक्नेछन् ।
खरिद गरिएका टी, ए, बी, सी र डी–सिरिजका सामसङ टिभीमा ३ वर्षे पूर्ण वारेन्टी दिइएको त भने साउन्डबारमा ५० प्रतिशतसम्म क्यासब्याक प्राप्त गर्न सकिने कम्पनीले जनाएको छ । यसबाहेक, ८ केजीभन्दा बढी क्षमता भएको सामसङ फ्रन्ट लोड वाशिङ मेसिन खरिद गर्दा ग्राहकले ६ केजी सर्फ एक्सेल म्याटिक निःशुल्क प्राप्त गर्नेछन् ।
