काठमाडौ : अन्तराष्ट्रिय स्तरका होटल ब्राण्डको रुपमा नेपालमा एटिक इन होटल्स एण्ड रिसोर्ट्स खुलेको छ । ट्राभियालिटी नेपालले नेपालको पर्यटन क्षेत्रको सुधारसंगै होटलहरुको सेवा सुविधा सुधार गर्ने उद्देश्य सहित एटिक इन होटल एण्ड रिसोर्ट ब्राण्डको शुरुवात भएको छ ।
नेपालको पर्यटन क्षेत्रमा देखिएका समस्या सम्बोधन गर्ने उद्देश्यसहित प्रवासमा बसोबास गर्ने नेपालीहरुले आफ्नो ज्ञान, सिप, तथा लगानीलाई स्वदेशमा उपयोग गर्दै पर्यटन क्षेत्रको माध्यमबाट नेपालको अर्थतन्त्रमा योगदान दिने ध्येयले वैदेशिक लगानी मार्फत ट्राभियालिटी नेपाल स्थापना गरिएको हो ।
ट्राभियालिटी नेपालले नेपालका ३ दर्जन भन्दा वढी होटलहरुमा हस्पिटालिटी क्षेत्रमा च्यानल म्यानेजर, प्रोपटी म्यानेजमेन्ट सिस्टम, होटलहरुको व्यवस्थापनमा सहजिकरण, तालिम तथा परामर्श समेत दिएको छ । एटिक इन होटल्स एण्ड रिसोर्ट्स फ्रेन्चाइज मोडल हो ।
यसैगरी टुभियालिटी नेपालले बेस्ट बेस्टनलाई पनि नेपालमा भित्राउने अन्तिम तयारी गरेको छ । जसका लागी बेस्ट वेस्टन र ट्रभियालिटी नेपालविच नेपालमा बेस्ट वेस्टन होटल एण्ड रिसोर्ट व्यबस्थापन गर्ने सम्झौता समेत भएको ट्रभियालिटी नेपालका चिफ स्ट्याटेजी अफिसर सोमनाथ सापकोटाले बताए ।
उनले नेपालमा बिदेशी ब्राण्डका होटलहरु भित्रिदै जामुले नेपालमा पर्यटनको प्रचुर सम्भावना छ भन्ने पुष्टि गरेको बताए । ‘नेपालको पर्यटनमा प्रचुर सम्भावना हुँदाहुँदै पनि प्रचारप्रसारसंगै आवश्यक प्रविधीहरुको अभाव, र अरु विद्यमान समस्याका कारण नेपालको पर्यटन उद्योगले अपेक्षित उपलब्धी हासिल गर्न सकिरहेको छैन । नेपालमा ३५ लाख भन्दा बढी पर्यटकलाई सेवा दिन सक्ने क्षमता भएता पनि अहिले १० लाखको हाराहारीमा मात्रै नेपालमा पर्यटक आउने गरेका छन् ।’ उनले भने ‘ब्राण्डहरुको माध्यमबाट नेपालमा पर्यटनको प्रवद्र्धन मात्रै नभै वैदेशीक लगानी, रोजगारी, प्रविधी भित्रिनुका साथै गन्तव्यकै प्रचारप्रसार हुने भएकोले महत्वपूर्ण माध्यम हुनेछ ।’
एटिक इन होटल्स एण्ड रिसोर्ट्स जस्ता अन्तर्राष्ट्रिय ब्रान्डहरूको प्रवेशले नेपालको पर्यटन क्षेत्रमा महत्वपूर्ण प्रभाव पार्ने अपेक्षा गरिएको छ ।
