लागोस, नाइजेरिया- नेपाली खाद्य उद्योग एशियन थाई फूड्स कम्पनी नाइजेरियाको लागोसमा आयोजित फूड एन्ड बेभरेजेज वेस्ट अफ्रिका २०२४ जून ११ मा अन्तर्राष्ट्रिय व्यापारिक मेलामा सहभागी भएको छ ।
उक्त कम्पनी नेपालको तर्फबाट अन्तर्राष्ट्रिय सम्मेलनमा भाग लिने पहिलो र एकमात्र कम्पनीको रूपमा पहिचान स्थापित गर्न सफल भएको कम्पनीको दाबी छ । स्थापनाको २५ वर्ष अवधिमा यस कम्पनीले नेपालको नूडल्स चाउचाउ र स्न्याक्स उत्पादहरुको बजार विश्वभरिका अनेकौं देशसम्म पुर्याएको बताइएको छ । स्थानीय उत्पादन र निर्यातको प्राथमिकतालाई बढावा दिने कागजी कुरा मात्र भएको बताउँदै, नेपाली खाद्य उद्योगका पर्याप्त क्त सम्भावनालाई राज्यले पहिचान गरी सहयोग गर्नुपर्ने कम्पनी प्रमुख जाजूले बताए ।
अमेरिका, आस्ट्रेलिया, युरोप, गल्फ राष्ट्रहरुका साथमा एशियाका अन्य थुप्रै राष्ट्रहरुमा नेपालमा तयार पारिएको प्रशोधित खाद्य पदार्थ– पैकेज्ड फूड प्रोडक्ट्सको रूपमा विश्वव्यापी धारणा बनाउन–बढाउन एशियन थाई फूड्सले महत्वपूर्ण भूमिका निर्वाह गरेको देखिन्छ ।
