काठमाडौं : भाटभटेनी सुपरमार्केटले छुटको अफर ल्याएको छ । भाटभटेनीले दशैं, तिहार तथा छठ पर्वको अवसरमा देशभरको भाटभटेनीमा सामान खरिद गर्दा छुट योजना सार्वजनिक गरेको हो । सो योजना असोज १७ गते देखि कात्तिक २२ गते सम्म रहने जनाइएको छ । भाटभटेनीकाअनुसार सबै प्रकारका विद्युतीय सामग्रीको खरिदमा २० देखि ४० प्रतिशत सम्म छुटको व्यवस्था गरिएको छ । त्यसैगरी किचनका निर्धारित सामग्रीमा ३० देखि ५० प्रतिशतसम्म छुट प्रदान गर्न लागिएको छ ।
रेडिमेड गार्मेन्टमा पनि भारी छुटको व्यवस्था गरिएको भाटभटेनीले जनाएको छ । सबै प्रकारका रेडिमेड तथा जुत्तामा पाँच प्रतिशत छुटको व्यवस्था गरिएको छ भने निर्धारित वस्तुमा ५० प्रतिशत सम्म छुटको व्यवस्था गरिएको छ । त्यसैगरी अन्तर्राष्ट्रिय ब्रान्डका रेडिमेड आइटम तथा जुत्तामा ७० प्रतिशत सम्म छुट दिन लागिएको छ भने चामल, दाल, चना, चिउरा, तेल, चिनी, चियालगायतका खाद्यान्नमा भारी छुट दिन लागिएको भाटभटेनीले जनाएको छ ।
जिरा मसिनो स्टिम चामल २२२० रुपैयाँमा प्रदान गर्न लागिएको छ । अफर अवधिभर यही मूल्यमा जिरा मसिनो चामल प्राप्त गर्न सकिनुका साथै मुसरको दाल प्रति केजी १४८ रुपैयाँ, मासको दाल प्रति के.जी २१३, रहरको दाल प्रति के.जी २८८ रुपैयाँ, मुँगको दाल प्रति के.जी १६७ रुपैयाँ, ब्राउन चना प्रतिकेजी १६८ रुपैयाँ, चिउरा प्रतिकेजी १०८ रुपैयाँमा उपलब्ध गराउन लागिएको भाटभटेनीले जनाएको छ । तोरीको तेल प्रतिलिटर २७९ रुपैयाँ, सनफ्लावर तेल प्रतिलिटर २०२ रुपैयाँ, सोयाबिन तेल प्रतिलिटर १९७ रुपैयाँमा, चिनी प्रति केजी १०२ रुपैयाँ र चिया प्रतिकेजी ५२५ रुपैयाँमा उपलब्ध गराउन लागिएको छ ।
त्यसैगरी निर्धारित कार्पेटमा २० प्रतिशत सम्म र लगेजमा ३० प्रतिशत सम्म छुटको व्यवस्था गरिएको छ । दशैं तिहार र छठ जस्ता महान् पर्वलाई ध्यानमा राखेर ग्राहकलाई यसरी छुट प्रदान गर्न लागिएको भाटभटेनीका चिफ अपरेटिङ अफिसर्स पानु पौडेलले बताए । ‘सबै ग्राहकलाई ध्यानमा राखेर हामीले यो अफर प्रदान गर्न लागेका हौँ,’ पौडेलले भने, ‘यस अफरबाट सबै प्रकारका ग्राहक लाभान्वित हुनुहुनेछ भन्ने हामीलाई लागेको छ ।’
