दोहा कतार : दोहाका मुटु अलफरदान र अरब राउन्डबोटको बीचमा रोडसँगै जोडिएको भिक्टोरिया गोल्ड एन्ड डायमन्डले आफ्नो नयाँ पसलको समुद्घाटन गर्ने भएको छ । फ्रेन्चाइज कम्पनीका रूपमा कतारमा ३ वटा ब्रान्च सञ्चालन गरिरहेको भिक्टोरियाले श्रमिकको अत्यधिक चाप हुने सनैया नजिक एसियन टाउनमा रहेको प्लाजा मलको पसल नं. ७४ मा भोलि शुक्रबार दिउँसो ४ बजे चर्चित नेपाली र्यापर आशिष राना (लाहुरे)ले समुद्घाटन गर्ने भएका हुन् ।
समुद्घाटनपश्चात ७ दिनसम्म उक्त पसलबाट सुन, चाँदी र हिरा मोतीका आकर्षक गहना खरिद गर्दा ३० प्रतिशत निर्माण शुल्कमा छुट मिल्ने सञ्चालक मोहमद फैजलले जानकारी दिए ।
भिआइपी होटेलको मीजाइनिन फ्लोरमा रहेको ‘प्लानेट लन्ज एन्ड क्लब’ले आयोजनाको घोषणा गरेको सांगीतिक कार्यक्रममा आफ्नो साङ्गीतिक प्रस्तुति दिन लाहुरे आज बिहीबार राति दोहा आउँदैछन् । मध्यान्हकर्मीसँगको कुराकानीमा सञ्चालकले आफ्ना बाजेबराजुदेखि नै सुन चाँदीको काम गर्दै आएको हुँदा यो आफ्नो पुर्खौली पेसा रहेको बताए । फैजलले केरलामा १५ वटा शाखा, खाडी राष्ट्र दुबईमा दुई वटा र कतारमा गोल्ड सुक बजारभित्र मात्र तीन वटा पसल सञ्चालन गरिरहेको जानकारी दिए । ग्राहकवर्गको सेवा सुविधालाई मध्यनजर गर्दै छिट्टै नै अलखोरमा समेत उनले शाखा विस्तार गर्ने योजना रहेको बताए ।
एउटा पसलबाट दैनिक ५/६ केजी सुन बिक्री हुने गरेको उनको रेकर्ड छ । पसलमा कतारमा मात्र ७० जना कामदारले प्रत्यक्ष रोजगारी पाएका छन् । जसमघ्ये ३५ जना नेपाली रहेका छन् । उनको पसलमा बिक्री हुने सबै गहना नेपाली कालीगढले बनाउने गरेका छन् । रसायन बिना र बिनाछलकपट विशुद्ध सुन नै बिक्री गर्ने प्रतिबद्धता जनाउने फैजलले नेपाली ग्राहकका लागि नेपाली र अन्य देशका लागि अन्य सेल्स म्यानका रूपमा ती देशका नागरिकलाई जिम्मेवारी दिएका छन् ।
