दाङ : लुम्बिनी प्रदेशकी कृषि, भूमि व्यवस्था तथा सहकारी मन्त्रालयकी सचिव डा.नम्रता सिंङले सहकारीलाई उत्पादनसँग जोड्नुपर्ने बताएकी छन् । दाङको घोराहीमा रहेको कलश बचत तथा ऋण सहकारी संस्थाको १३औं साधारणसभा तथा पाँचौँ अधिवेशनलाई सम्वोधन गर्दै सिंङले सहकारीलाई उत्पादनमा जोड्न सके आर्थिक पक्ष सवल र सफल हुने बताइन् । ‘धेरैजसो लगानी घर जग्गा र घरायसी शिर्षकमा भएको देखिन्छ’, कार्यक्रममा डा. सिंङले भनिन् ‘उत्पादनशील क्षेत्रलाई ध्यान दिएर अब लगानी गर्नुपर्छ ।’
कलश सहकारीले युवा र महिलालाई समेटेर जिल्लामै नमूनायोग्य काम गरेको भन्दै उनले मन्त्रालयका तर्फबाट आवश्यक सहयोग र समन्वय गरिने बताएकी थिइन् । संस्थाले विपन्न वर्गको पहँुच र महिला सशक्तिकरणरमा राम्रो पक्ष देखिएको वताएकी थिईन् । जिल्ला सहकारी संघ दाङका लेखा सुपरीवेक्षण समितिका संयोजक होमलाल भूसालले केही खराब सहकारीका कारण सिंगो सहकारी अभियान बदनाम हुँदै गएको भन्दै राम्रो सहकारीको पहिचान र सम्मान गर्नुपर्ने वताए । समयको माग अनुसारको नयाँ ढंगले सहकारी संचालन गर्नुपर्ने सुझाव दिएका थिए ।
संस्थाका अध्यक्ष बालचन्द्र शर्माको अध्यक्षतामा भएको कार्यक्रममा उनले शेयर सदस्यहरुलाई नवीनतम आधुनिक प्रविधिसँग जोड्ने हिसाबले प्रविधिमैत्री बनाउने बताएका थिए । त्यसका लागि संस्थाको आफनै मोवाईल एपको लागि छलफल भईसकेको जानकारी गराएका थिए । संस्थामा शेयर पुँजी र सदस्यता वृद्धि हुँदै गएको बताएका थिए ।
कार्यक्रममा नियमित बचतकर्ता लिलादेवी भुसाल, समयमै ऋणको किस्ता तथा ब्याज बुझाउने लक्ष्मी श्रेष्ठ, शेयर सदस्य वृद्धि गर्ने ज्योतिपुञ्ज आमावि, नियमित बाल बचतकर्ता परिधी गौतम, जेष्ठ सदस्यहरु शंकर प्रसाद गौतम र सखलहरी चौधरीलाई सम्मान गरिएको थियो । साथै सो अवसरमा संरक्षित पुँजी फिर्ता कोषको रकम धेरै पाउने हरिहर आचार्य, अनिता गुरुङ, ओमप्रसाद चौधरी, बबिता महरा, विष्णु वली, शान्ता घिमिरे, तेज बहादुर घर्ति, सरस्वती अवस्थि, नेत्रप्रसाद पाण्डेय र बिक्रम चौधरीलाई पनि सम्मान गरिएको थियो ।
कार्यक्रममा संस्थाको वार्षिक साधारणसभामा प्रगति प्रतिवेदन, कोषाध्यक्ष नवराज भण्डारीले आर्थिक प्रतिवेदन, लेखा सुपरीवेक्षण समितिको प्रतिवेदन संयोजक गेहेन्द्र बस्नेतले प्रस्तुत गरेका थिए । संस्थाका उपाध्यक्ष नविन कुमार पाण्डेयको स्वागत मन्तव्यबाट शुरु भएको कार्यक्रममा सहजिकरण सचिव विमल योगीले गरेका थिए ।
कलश बचत तथा ऋण सहकारी संस्थाको अध्यक्षमा माधव खनाल चयन भएका छन । सस्थाको पाँचौँ अधिवेशनले खनालको अध्यक्षतामा नयाँ कार्यसमिति चयन गरेको हो । समितिको उपाध्यक्षमा चन्द्रावती भण्डारी, सचिवमा विमल योगी, कोषाध्यक्षमा नवराज भण्डारी, सदस्यहरुमा इश्वरीप्रसाद आचार्य, श्रीकान्त अधिकारी, गेहेन्द्र वस्नेत, हरिहर आचार्य र केशव रिजाल चयन भएका छन् ।
त्यस्तै, समितिको लेखा सुपरीवेक्षण समितिको संयोजकमा श्रीधर योगी र सदस्यहरुमा मंगला राणा र तिर्थराज शर्मा पण्डित रहेका छन् । नवनिर्वाचित समितिलाई निर्वाचन समितिका संयोजक निर्मल गौतमले प्रमाणपत्र वितरण गर्नुका साथै पद तथा गोपनियताको सपथग्रहण गराएका थिए । अधिवेशन सत्र कार्यक्रमको सहजीकरण निर्वाचन समितिका सदस्य हेमराज शर्माले गरेका थिए ।
