काठमाडौ : देशका अधिकांश स्थानमा परेको अविरल वर्षाले बाढी, पहिरो र डुबानका कारण बाली, पशुपन्छी क्षेत्रमा ५ अर्ब ८३ करोड बरारारको क्षति भएको छ । कृषि तथा पशुपक्षी मन्त्रालय मंगलबार जारी गरेको क्षति बिवरणमा ५८ हजार ४७६ हेक्टर धानवाली नष्ट हुदाँ ३ अर्ब ५० करोड बरावरको क्षति भएको जनाएको छ ।
सप्तरी, सिराहा, धनुषा, महोत्तरी, सर्लाही, रौतहट, बारा, पर्सा, नवलपुर, बागलुङ, खोटाङ, झापा, कैलाली, कास्की, स्याङ्जा, सिन्धुली, मकवानपुर र काभ्रे कृषक धान क्षति भएको हो ।
यस्तै खोटाङमा १३ सय हेक्टर अलैँची नष्ट हुदाँ ७० करोड रुपैयाँ बरावरको क्षति भएको मन्त्रालयले जनाएको छ । पर्साको ८५ हेक्टर क्षेत्रफलको ३४ करोड रुपैयाँ बराबरको उखु क्षति भएको छ ।
यस्तै, धनुषा, महोत्तरी, सर्लाही, रौतहट, बारा, पर्साका ४ सय ५८ हेक्टर माछापोखरीमा १ अर्ब १३ करोड रुपैयाँ बराबरको क्षति भएको छ । बाढी पहिरोमा परी २६ हजार २०५ पशुपन्छी मृत्यु भएको छ । कास्की, नवलपरासी पूर्व, कञ्चनपुर रौतहट जिल्लाको २२ हेक्टर फलफुल बगैचामा क्षति भएको छ ।
यस्तै, खोटाङ, मकवानपुर, चितवन, सप्तरी, सिराहा, धनुषा, बारा, पर्साको ४ हजार ७४३ हेक्टर तरकारी बालिमा नष्ट भएको मन्त्रालयको तथ्यांक छ । कृषि मन्त्रालय र मातहतको कार्यालयको भौतिक तथा अन्य संरचनाको १६ करोड बराबरको क्षति भएको तथ्यांक छ ।
