काठमाडौं : राष्ट्रिय वाणिज्य बैंक र एमएडब्लु वृद्धि मोटर्सबीच विद्युतीय (इभी) गाडीमा कर्जा लगानी गर्ने सम्बन्धमा सम्झौता भएको छ । सम्झौताअनुसार वार्षिक ७ दशमलव ७७ प्रतिशत स्थिर ब्याजदरमा निजी सवारी(रातो प्लेट) को नामी र सेरेस विद्युतीय गाडीका लागि मासिक किस्ताबन्दीमा कर्जा दिने भएको हो ।
बैंकले अधिकतम एक करोड रुपैंयाँसम्म कर्जा लगानी गर्ने र कर्जा रकमको शुन्य दशमलव ७५ प्रतिशत सेवा शुल्क लाग्ने बैंकले जनाएको छ । गाडीको कोटेशनमा अंकित मूल्यको विद्युतीय गाडीको बढीमा ८० प्रतिशतसम्म बैंकले कर्जा लगानी गर्ने छ भने बढीमा सात वर्षसम्म कर्जा अवधि दिइने छ । सम्झौता २०८१ कात्तिक मसान्तसम्म मात्र लागू हुने बैंकले जनाएको छ ।
