काठमाडौं : नेपाल वनस्पति घ्यू तेल उत्पादक संघद्धारा बाढीपहिरो, प्राकृतिक विपत्तिमा पर्न गएका व्यक्ति तथा परिवारजनको लागि खाद्यान्न सामग्रीहरु सहयोग गरेको छ । संघले ३६० बोरा चामल, १०० बोरा चिउरा, ४० ब्याग मसुर दाल र २० कार्टुन तोरीको तेल सहयोग स्वरुप उपलव्ध गराएको संघले जनाएको छ ।
उक्त सहयोग सामग्रीहरु उद्योग, वाणिज्य तथा आपूर्ति मन्त्री दामोदर भण्डारीलाई संघका अध्यक्ष विकास दुगड तथा प्रतिनिधिमण्डलले मन्त्रालयमा हस्तान्तरण गरेका थिए । उक्त सहयोगले प्राकृतिक विपत्तिमा पर्न गएका व्यक्ति तथा परिवारजनमा केही भएपनि राहत प्राप्त हुने विश्वास संघले लिएको जनाएको छ ।
