काठमाडौं : नेपाली सांगीतिक क्षेत्रमा गीतकारको रुपमा बेग्लै परिचय बनाउन सफल गीतकार नुतन भुसालको नयाँ गीत 'आउ है बसौं' सार्वजनिक भएको छ ।
युवा गायक स्माइल दासको स्वर र सुनिल मास्केको संगीत रहेको गीतमा रिकेश गुरुङको संगीत संयोजन रहेको छ । गीतको भिडियो निर्देशन युवराज वाइबाले गरेका छन् ।
गायक स्माइलले नै भिडियोमा अभिनय गरेका छन् । विशाल परियारको छायाँकन, विकाश दाहालको सम्पादन रहेको गीत नुतन म्युजिक युट्युब च्यानलमार्फत बजारमा आएको छ । 'आउ है बसौं' गीतलाई दर्शक स्रोताहरुले मन पराइदिनेमा गीतकार भुसास आशावादी रहेकी छन् ।
