काठमाडौं : टेस्ला गाडीको नेपालका लागि आधिकारिक विक्रेता अरिट इन्टरनेसनल आफ्नो कर्पोरेट सामाजिक उत्तरदायित्व (सीएसआर) अन्तर्गत वन्यजन्तु संरक्षणमा केन्द्रित हुने भएको छ । संयुक्त राष्ट्रसंघको दिगो विकासको लक्ष्य १५ को अनुरूप, अरिटले अब आफ्ना ग्राहकहरूलाई चितवन, नेपालमा संकटापन्न प्रजाति र तिनीहरूको आवासको संरक्षणका लागि पहलहरूमा समर्थन गर्ने जनाएको छ ।
कर्पोरेट सामाजिक उत्तरदायित्व वन्यजन्तु संरक्षणमा केन्द्रित बनाउँदा अरिट इन्टरनेसनलले उत्साहित भएको जनएको छ ।
प्रत्येक सवारी साधन बिक्रीमा खाद्य तथा शिक्षा प्रदान गर्ने फुड फर लाइफ र होस्टे हाइँसेसँगको वर्तमान साझेदारीलाई आधार मान्दै, अरिटले अब आफ्ना ग्राहकहरूलाई शिक्षा, पोषण, वा वन्यजन्तु संरक्षणमा योगदान दिने विकल्प प्रदान गरेको छ ।
‘यस पहलले चितवनको धनी वन्यजन्तु, जस्तै बंगाल टाइगर, एकसिंगे गैंडा र एसियाली हात्तीको संरक्षण गर्न लक्ष्य राख्दछ । यस कार्यलाई समर्थन गर्नु भनेको मानिस र वन्यजन्तु शान्तिपूर्वक सहअस्तित्व गर्ने भविष्य सुनिश्चित गर्नु हो,’ अरिटले भनेको छ ।
“हाम्रो सिएसआर कार्यक्रमलाई वन्यजन्तु संरक्षणमा समावेश गर्नु भनेको सबैका लागि दिगो भविष्य सुरक्षित गर्ने कुरा हो,” अरिटका क्रिएटिभ सल्लाहकार रोहन अदुकियाले भने “हाम्रो ग्राहकहरूले अब मानिस र पृथ्वी दुवैमा अर्थपूर्ण प्रभाव पार्न सक्नेछन् ।”
अरिट इन्टरनेसनलले व्यावसायिक सफलता र वातावरणीय तथा सामाजिक जिम्मेवारीलाई एकसाथ मिलाउँदै दिगोपनसँगको व्यापारिक वृद्धिमा प्रतिबद्ध रहने जनाएको छ । अरिट इन्टरनेसनल एक विलासी मोटर कम्पनी हो ।
