काठमाडौंः धादिङको महादेवबेसी नजिक भ्यान दुर्घटना हुँदा ११ जना घाइते भएका छन् । काठमाडौंबाट चितवनको कुरिनटार जाँदै गरेको बागमती प्रदेश ०१–०३० च ७६५९ नम्बरको विद्युतीय भ्यान आज दिउँसो धादिङको थाक्रे गाउँपालिका–६ महादेवबेसी नजिक दुर्घटना हुँदा ११ जना घाइते भएका हुन् ।
भ्यान आफैँ अनियन्त्रित भइ दुर्घटना भएको हुनसक्ने महादेवबेसी प्रहरीले जनाएको छ । घाइतेहरुमध्ये तीन जनाको अवस्था मध्यम र अन्यको अवस्था सामान्य रहेको प्रहरीको भनाइ छ । उनीहरुको महादेवबेसीकै टाइम्स केयर अस्पतालमा उपचार भइरहेको जनाइएको छ । मनकामना दर्शनका लागि जाँदै गरेकाहरुले उक्त भ्यान रिजर्भ गरेका थिए । उनीहरु एउटै परिवारको रहेको पनि बताइएको छ ।
.jpg)
