काठमाडौँ : राष्ट्रिय स्वतन्त्र पार्टीका उपसभापति डीपी अर्यालले गृहमन्त्री रमेश लेखकलाई भेटेका छन् । अर्यालले सोमबार साँझ गृहमन्त्री लेखकलाई मन्त्रालयमा भेटेका हुन् ।
रास्वपाले बालुवाटारमा मंगलबार गर्न लागेको विरोध प्रदर्शनका बारेमा कुरा गर्न गृहमन्त्री लेखकलाई भेटेको अर्यालले जानकारी गराए । लेखक आफ्नो मित्र पनि भएकाले गृहमन्त्रीको कार्यकालको शुभकामना दिएको उनले सुनाए ।
सहकारी ठगी प्रकरणमा २ कात्तिकमा सभापति रवि लामिछाने पक्राउ परेपछि रास्वपाले राजनीतिक प्रतिशोधविरुद्ध भन्दै निरन्तर विरोध प्रदर्शन गर्दै आएको छ ।
बालुवाटारमा हुने विरोध प्रदर्शन उपसभापति डा. स्वर्णिम वाग्ले, नेताहरू सन्तोष परियार, सुमना श्रेष्ठ, सोविता गौतम, अच्युत्तम लामिछाने लगायतले सम्बोधन गर्नेछन् ।
.jpg)
