.jpg)
काठमाडौं : आकर्षक तलबसहितको वैदेशिक रोजगारीमा सिंगापुर पठाइदिने प्रलोभन देखाएर ठगी गरिरहेका फरार दुई जनालाई पक्राउ गरिएको छ ।
इन्टरपोलको रेड नोटिस जारी भएका सिन्धुपाल्चोक मांखाकी विनु शाक्य र उदयपुर त्रियुगाका सुजन आचार्य इन्टरपोल प्रहरीको सहयोगमा कम्बोडियामा पक्राउ परेका हुन् । गत असोज १ मा पक्राउ परेका दुवै जनालाई कानूनी प्रक्रिया पूरा गरी कात्तिक ९ गते नेपाल ल्याइएको प्रहरीले बताएको छ ।
उनीहरूविरुद्ध गत माघ १९ गते इन्टरपोलले रेड नोटिस जारी गरेको थियो । उनीहरुविरुद्ध वैदेशिक रोजगारीमा सिंगापुर पठाइदिन्छु भन्दै ४० जनाभन्दा बढी युवायुवतीबाट ५ करोड २ लाख ९४ हजार रुपैयाँ ठगी गरेको मुद्दा रहेको प्रहरीले बताएको छ ।
.jpg)
.jpg)
