काठमाडौं : लुम्बिनी लायन्सविरुद्ध पोखरा एभेन्जर्सले १० विकेटको कीर्तिमानी जित हात पारेको छ ।
पोखरा एभेन्जर्सले शुक्रबार कीर्तिपुरस्थित अन्तर्राष्ट्रिय क्रिकेट मैदानमा खेलिएको खेलमा लुम्बिनी लायन्सलाई १० विकेटको फराकिलो अन्तरले हरायो ।
जारी एनपीएलमा कुनै पनि टोलीले विकेटका आधारमा हात पारेको यो नै सबैभन्दा ठूलो अन्तरको जित पनि हो ।
आन्द्रेस गौस र दिनेश खरेलले कीर्तिमानी साझेदारी गरेपछि पोखराले लुम्बिनीलाई १० विकेटले हरायो । लुम्बिनीले दिएको १७१ रनको लक्ष्य पोखराले १६.५ ओभर खेल्दै १७६ रन बनाएर पूरा गर्यो ।
