काठमाडौं : शहीद स्मारक ए डिभिजन लिग फुटबलमा मनाङ मस्र्याङ्दी फुटबल क्लब विजयी भएको छ । नवौं चरणको अन्तिम खेल अन्तर्गत मनाङले संकटामाथि ३–० गोलको जीत दर्ता गरेको हो । जीत दर्ता गर्दै मनाङले दोस्रो स्थानको मछिन्द्रसँग अंक बराबरी गरेको छ ।
सातदाेबाटाे स्थित एन्फा मैदानमा भएकाे खेलको ७ औँ मिनेटमा अन्जन विष्टको प्रहार संकटाका डिफेन्डरले रोकेका थिए । १५ औँ मिनेटमा मनाङले पाएको फ्रि किक संकटाका गोलकिपरले बचाए । खेलको १९ औँ मिनेटमा संकटाले पाएको मौकालाई सदुपयोग गर्न सकेन ।
मनाङका गोलकिपर बिट भैसकेको अवस्थामा संकटाका बिमल राणा गोल गर्न चुके । त्यस्तै २३ औँ मिनेटमा मनाङका निशान लिम्बुको प्रहार संकटाका गोलरक्षकले बचाए । खेलको २६ औँ मिनेटमा संकटका कर्म सुब्बाले प्रहार गरेको बल मनाङका मिडफिल्डर भिडालले फर्काए ।
४१ औँ मिनेटमा संकटाका अमित तामाङले आत्मघाती गोल गरेपछि मनाङले अग्रता लिए । त्यसकाे एक मिनेट भित्र नै मनाङले खेलमा अन्तर २-० मा पुर्यायाे । अन्जन विष्टले फेमीको पासमा ४३ औँ मिनेटमा गोल गरे ।
पहिलो हाफमा २–० काे अग्रता बनाएकाे मनाङले दाेस्राे हाफमा पनि दबाव कायमै राख्याे । ५३ औँ मिनेटमा मनाङले गाेल गरेपनि रेफ्रिले अफसाइड दिए । बिमल रानाकाे पासमा बिदेशी खेलाडी फेमीले गाेल गरेका थिए । तर त्याे गाेल अफसाइड दिइयाे ।
खेलको ६८ औँ मिनेटमा संकटाका सुभाष गुरुङको फ्रि किक प्रहारमा मनाङका डिफेन्डिङ वाल बाधक बन्यो । ७१ औं मिनेटमा निशान लिम्बुकाे गाेलमा मनाङले गोल थपेपछि मनाङ सहज जीत तर्फ अघि बढेको हो ।
त्यसपछि खेलको ८९ औँ मिनेटमा मनाङका खेलाडीले फल गरेपछि संकटाले फ्रि किक पाएको थियो तर उक्त फ्रिकिकको सदुपयोग गर्न सकेन र मनाङसँग पराजित हुन पुग्यो । खेलकाे इन्जुरी समयमा संकटाले उत्कृष्ट माैका पाएकाे थियाे तर त्याे माैकामा मनाङका गाेलकिपर बाधक बने ।
जितसँगै मनाङ ९ खेलमा १९ अंक जोड्दै शिर्ष तीनमा पुगेकाे छ । मनाङ र मछिन्द्रको समान १९–१९ अंक छ भने त्रिभुवन आर्मी २० अंकका साथ शीर्ष स्थानमा छ । संकटा १२ अंकसहित आठौँ स्थानमा रहेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies