बर्दिया : बर्दियाको गुलरियामा मेयरकप खुला एवम् जिल्लास्तरीय ब्याडमिन्टन प्रतियोगिता शुक्रबारबाट सुरु भएको छ ।
बर्दियामा ब्याडमिन्टन खेलको विकास गर्ने उद्देश्यका साथ गुलरिया नगर खेलकुद विकास समिति र गुलारिया नगर ब्याडमिन्टन संघले संयुक्त रुपमा प्रतियोगिताको आयोजनामा गरेका हुन् ।
गुलरिया नगरपालिका वडा नं. ४ स्थित कवर्डहलको ब्याटमिन्टन कोर्टमा सुरु भएको प्रतियोगितामा खुलातर्फको प्रतिस्पर्धा लागि बर्दियासहित दाङ, बाँके, सुर्खेत र कैलालीका गरी १३ टिम सहभागी भएका छन् भने र जिल्लास्तरीय प्रतिस्पर्धाका लागि ३२ टिम सहभागी भएको गुलरिया नगर खेलकुद विकास समितिका अध्यक्ष युवराज श्रेष्ठले बताए ।
प्रतियोगितामा खुलातर्फ प्रथम र द्वितीय हुने टिमलाई क्रमशः ५१ हजार र ३१ हजार नगद प्रदान गरिने छ भने जिल्लास्तरीय प्रतिस्पर्धातर्फ प्रथम र द्वितीय हुने टिमलाई क्रमश: २५ हजार र १५ हजार रुपैया नगद प्रदान गरिने गुलारिया नगर ब्याडमिन्टन संघ का उपाध्यक्ष कैलाश श्रेष्ठले बताए ।
३ दिनसम्म सञ्चालन हुने प्रतियोगिताको उद्घाटन गुलरिया नगरपालिकाकी उप प्रमुख सावित्रा गौतमले गरेकी हुन् । उद्घाटन कार्यक्रममा प्रमुख जिल्ला अधिकारी रुद्रादेवी शर्मा, शसस्त्र प्रहरी वल ३१ नं गण बर्दियाका एसपी चित्राङ्गत दहाल, जिल्ला प्रहरी कार्यालय बर्दियाका डिएसपी ऋषिराम धर्ती मगरलगायत संचारकर्मीहरुको उपस्थिति रहेको थियो ।
