काठमाडौं : काठमाडौँ गुर्खाजले नेपाल प्रिमियर लिग (एनपीएल) मा पोखरा एभेन्जर्सलाई ६ विकेटले पराजित गरेको छ ।
इस्किनाजीले ६० रन बनाएपछि १३९ रनको लक्ष्य काठमाडौंले १४.१ ओभरमा ४ विकेट गुमाएर १४२ रन बनाउँदै पूरा गरेको हो ।
६ खेलमा तेस्रो जित हात पारेको काठमाडौँले प्लेअफ पुग्ने सम्भावना पनि कायम राखेको छ । ६ खेलबाट ६ अंक जोडेको काठमाडौँ चौथो स्थानमा उक्लेको छ । काठमाडौँका लागि माइकल लेभिटले ३२ रन बनाए । यस्तै भिम शार्कीले २२ रन बनाए ।
बलिङमा पोखराका विपिन खत्रीले ३ विकेट लिए । माइकल लिस्कले १ विकेट लिए ।
त्यसअघि कीर्तिपुरस्थित टीयू अन्तर्राष्ट्रिय क्रिकेट मैदानम टस हारेर पहिले ब्याटिङ गरेको पोखराले निर्धारित २० ओभरमा ८ विकेट गुमाएर १३८ रन बनाएको थियो ।
पोखराका लागि रेमोन रेइफरले अविजित रहँदै सर्वाधिक ४१ रन बनाए । यसैगरी ओपनर दिनेश खरेलले ३८ रन बनाए । यस्तै दिलिप नाथले २७ रन बनाए ।
बलिङमा काठमाडौँका कप्तान करण केसी र रासिख खानले ३-३ विकेट लिए । जेर्राड एरसामस र माइकल लेभिटेले किफायती बलिङ गर्दै समान १ विकेट लिए ।
