काठमाडौं : नेपाल प्रिमियर लिग (एनपीएल) को अन्तिम लिग खेलमा कर्णाली याक्सले सुदूरपश्चिम रोयल्सलाई १०२ रनको लक्ष्य दिएको छ ।
कीर्तिपुरस्थित टीयू अन्तर्राष्ट्रिय क्रिकेट मैदानमा टस हारेर पहिले ब्याटिङको निम्तो पाएको कर्णालीले निर्धारित २० ओभरमा सबै विकेट गुमाएर १०१ रन मात्र बनाउन सक्यो ।
कर्णालीका लागि जिसन मकसुदले ३० रन बनाएका थिए । अन्य खेलाडीले उल्लेख्य प्रदर्शन गर्न सकेनन् ।
बलिङमा सुदूरपश्चिमका लागि हर्मित सिंहले ३ विकेट लिए । कप्तान दीपेन्द्र सिंह ऐरीले २ विकेट लिए । साथै उनले २ रनआउट पनि गरे ।स्कट कुगेलेइनले २ विकेट नै लिए । सैफ अली जैबले १ विकेट लिए ।
अब सुदूरपश्चिमले १३ ओभरमा लक्ष्य पूरा गरे कर्णाली शीर्ष चारबाट आउट हुनेछ । अन्यथा कर्णाली शीर्ष चारमा पर्नेछ भने काठमान्डु गुर्खाज बाहिरिनेछ ।
यदि कर्णालीले सुदूरलाई १२ रन वा बढीले पराजित गरेमा जनकपुरलाई पछि पार्दै शीर्ष दुईमा पुग्नेछ ।
.jpg)
