धनगढी : नेपाली कांग्रेसका वरिष्ठ नेता डा. शेखर कोइरालाले अहिलेको सरकारलाई असफल हुन छुट नभएको बताएका छन् । पार्टीको कार्यक्रम लिएर सुदूरपश्चिम पुगेका नेता कोइरालाले शुक्रबार धनगढीमा आयोजित पत्रकार सम्मेलनमा भने, ‘अहिलेको सरकारलाई असफल हुने छुट छैन ।’ उनले सरकार नढल्ने पनि बताए ।

उनले सरकारले जनताको चाहनाबमोजिम काम गर्नुपर्नेमा जोड दिए । कोइरालाले आफू १५औं महाधिवेशनमा सभापतिको उम्मेद्ववारी दिने तयारीका साथ अहिलेदेखि नै अभियानमा लागेको बताए । आफूसँग महामन्त्री गगन थापासँग पनि राम्रो सम्बन्ध रहेको उनको दाबी छ । उनले गगन थापासँग कुनै असमझदारी भएको बताए ।

कोइरालाले पार्टी सभापति शेरबहादुर देउवासँग कुनै तिक्तता नभएको उल्लेख गर्र्दै भने, उहाँ (देउवा) मेरो सभापति र नेता हो । मैले उहाँलाई दाइजस्तै मान्छु ।’  कोइरालाले आफू सभापति देउवालाई भेटेरै सुदूरपश्चिम आएको बताए ।