काठमाडौं : नेकपा माओवादी केन्द्रको स्थायी समिति बैठक सुरु भएको छ ।
पार्टी कार्यालय पेरिसडाँडामा सुरु भएको बैठकले केन्द्रीय समितिको बैठकका एजेन्डा तय गर्ने पार्टी उपाध्यक्ष एवं प्रवक्ता अग्नि सापकोटाले जानकारी दिए ।
बैठकमा आगामी २१ पुसदेखि सुरु हुने केन्द्रीय समिति बैठकको तयारी हुने बताइएको छ ।
आजको बैठकमा पूर्वउपराष्ट्रपति नन्दबहादुर पुन पनि सहभागी भएका छन् । पुन यसअघि पनि माओवादीका बैठकहरूमा सहभागी हुँदै आएका थिए ।
उनी सक्रिय राजनीतिमा आउन खोजिरहेका छन् । उनलाई माओवादीमा उपाध्यक्ष बनाएर सक्रिय बनाउने तयारी छ । तर, यस विषयमा पार्टीभित्र सहमति जुटिसकेको छैन ।
