लहान : सिरहा गोलबजार नगरपालिका–११, मैनाबत्ती खोलाबाट पेस्तोलसहित दुई युवक पक्राउ परेका छन् । पक्राउ पर्नेमा गोलबजार–१२ बेतौनाका १९ वर्षीय प्रमोद ठाकुर र विष्णु महतो रहेका जिल्ला प्रहरी कार्यालय सिरहाले जनाएको छ ।
भब्री मेलामा युवाहरूको दुई समूहबीच विवाद भएपछि ईलाका प्रहरी कार्यालय, गोलबजारको टोली घटनास्थल पुगेको थियो । साँझ साढे ८ बजेतिर जाँच गर्दा उनीहरूको साथबाट पेस्तोल बरामद भएको हो ।
सिरहाका प्रहरी प्रवक्ता डीएसपी वीरेन्द्रकुमार पासवानका अनुसार दुवैलाई हातहतियारसम्बन्धी कसुरमा हिरासतमा राखी थप अनुसन्धान भइ रहेको छ ।
.jpg)
.jpg)
