बाँके : युवकको हत्या गरेको आरोपमा २ जना पक्राउ परेका छन् । पक्राउ पर्नेमा बैजनाथ गाउँपालिका–२ का ३५ वर्षीय रामबहादुर राना र सोही गाउँपालिका–६ बस्ने १७ वर्षीय किशोर छन् । बैजनाथ गाउँपालिका–८ का २५ वर्षीय दिनेश रोकायाको हत्या गरेको आरोपमा उनीहरूलाई पक्राउ गरिएको हो ।
सोही गाउँपालिका–८ बिचलाईनस्थित विवाह कार्यक्रममा वादविवाद हुँदा उनीहरूले दिनेशसमेत ६ जनालाई शुकबार राति कुटपिट गरेर घाइते बनाएका थिए । गम्भीर घाइते भएका दिनेशको मेडिकल कलेज कोहलपुरमा प्राथमिक उपचारपश्चात भारतको लखनउ पठाइएको थियो । उपचारका क्रममा आइतबार दिनेशको मृत्यु भएको हो । साथै कुटपिटबाट घाइते भएका अन्य ५ जनाको मेडिकल कलेज कोहलपुरमा उपचार भइरहेको छ ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
.jpg)
