काठमाडौंः काठमाडौंको शंखरापुर नगरपालिका–५ कात्तिकेस्थित सडकमा बा २ ख ७९५८ नम्बरको विद्यार्थी बोकेको बस दुर्घटना हुँदा घाइते भएका थप एक जना विद्यार्थीको मृत्यु भएको छ । । मृत्यु हुनेमा १० वर्षीय विद्यार्थी सनसाइन तामाङ रहेका छन् ।
उनको उपचारको क्रममा मेडिसिटी अस्पतालमा मृत्यु भएको जिल्ला प्रहरी परिसर काठमाडौंले जनाएको छ । योसँगै उक्त बस दुर्घटनामा मृत्यु हुनेको संख्या चार पुगेको छ ।
दुर्घटनामा मोरङको उर्लाबारी नगरपालिका–७ घर भएका ११ वर्षीय क्रिस्चल पुरी, सिन्धुपाल्चोकको बलेफी गाउँपालिका–७ बस्ने २३ वर्षीय सुरेश तामाङ र काठमाडौं बौद्ध बस्ने सिन्धुपाल्चोकको त्रिपुरासुन्दरी गाउँपालिका–३ घर भएका १४ वर्षीय शुसांक डोटेलको मृत्यु भइसकेको छ ।
३० माघमा चाबहिलको एसएस एकेडमीका विद्यार्थी नगरकोट पिकनिक गएका थिए । पिकनिक गएर फर्कने क्रममा बस सडकबाट २० फिट तल खसेको थियो ।
.jpg)
