अर्जुन बिष्ट/मध्यान्ह
रुकुम पश्चिम : रुकुम पूर्वको एक निजी अस्पतालमा अवैध तरिकाले गर्भपतन गराउँदा शिशु र आमाको ज्सान गएको छ । जिल्लाको रुकुमकोटस्थित रुक्मिणी अस्पतालमा गर्भपतन गराउदा आमा र शिशुको मृत्यु भएको हो ।
मृत्यु हुनेमा रुकुम पश्चिमको मुसिकोट नगरपालिका वडा नम्बर - ८ की स्थानीय २६ वर्षीया पुष्पा घर्ती र १ सय ५४ दिनको शिशुको मृत्यु भएको जिल्ला प्रहरी कार्यालय रुकुम पुर्वले मध्यान्हलाई जानकारी दिएको छ । प्रहरीले गैरकानुनी रुपमा गर्भपतन गराएको आरोपमा अस्पतालका एक डाक्टर सहित दुई जनालाई पक्राउ गरेको छ ।
पक्राउ परेकाहरुलाई जिल्ला अदालतबाट म्याद थप गरी अनुसन्धान अगाडी बढाइएको प्रहरीले जनाएको छ । पक्राउ परेकालाई प्रहरीले विहीबार दिउँसो पत्रकार सम्मेलनमार्फत सार्वजनिक गरेको थियो । अवैध रुपमा गर्भपतन गराउँदा अत्यधिक रक्तश्रावका कारण साउन २० गते राति यो घटना भएको जनाइएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies