काठमाडौँ : नक्कली भुटानी शरणार्थी प्रकरणमा पक्राउ परेका बेचन झालाई ७ दिन थुनामा राखेर अनुसन्धान गर्न अदालतले अनुमति दिएको छ ।
शुक्रबार राति पक्राउ परेका झालाई ७ दिन हिरासतमा राखेर अनुसन्धान गर्न काठमाडौँ जिल्ला अदालतले अनुमति दिएको हो ।
शुक्रबार पक्राउ परेका झालाई आइतबार म्याद थपका लागि काठमाडौं जिल्ला अदालत पेश गरिएको थियो । प्रहरीको विशेष ब्यूरोको टोलीले बेचनलाई भारतबाट समातेर शुक्रबार जिल्ला प्रहरी परिसर काठमाडौंको जिम्मा लगाएको हो ।
नक्कली भुटानी शरणार्थी प्रकरणको अनुसन्धान शुरु भएदेखि नै फरार रहेका झाको संलग्नता भने अन्तिममा मात्र खुलेको थियो । उनले भुटानी शरणार्थी प्रकरणका आरोपी मध्येबाट २ करोडको चेक लिएपछि प्रहरीको निसाना उनीतिर गएको देखिन्छ ।
.jpg)
.jpg)
