काठमाडौँ : नेकपा एकीकृत समाजवादीले कांग्रेस र एमालेबीच भएको सत्ता समीकरणलाई चरम अवसरवाद भएको बताएको छ । एकीकृत समाजवादी सत्ताको सम्झौतामा संविधान संशोधनको कुरा पनि समावेश भएकोमा विरोध गरेको छ ।
नेपाली कांग्रेस र एमाले मिलेर सत्ता चलाउने कुरा नमिल्दो कुरा भएको नेकपा एसको बुझाई छ । पार्टीका प्रचार विभाग प्रमुखसमेत रहेका उपमहासचिव जगन्नाथ खतिवडाले संसद्का ठुला दुई दल मिलेर सरकार बनाउनु तानाशाही प्रवृत्ति भएको बताएका छन ।
उनले भने,‘नेपाली कांग्रेस र एमाले मिलेर सत्ता चलाउने कुरा नमिल्दो कुरा हो । यो लोकतन्त्रका निम्ति पनि खतरा हो । सत्ता सम्झौतालाई लिएर संविधानको मर्मविपरीत संविधान संशोधन गर्छौँ भन्ने कुरा हामीलाई मान्ने छैन । यो अधिकार अमुक दललाई छैन ।’
