संघीय सरकारले कोरोनाको परीक्षण र संक्रमितको निुशल्क उपचार अब आमरुपमा नगर्ने निर्णय गरेका बेला प्रदेश सरकारले भने भने यो उर्दी नमान्ने संकेत गरेका छन् । संघीय सरकारलाई चुनौती दिदै प्रदेश सरकारहरुले लक्षण देखिएको संक्रमितको उपचार गर्ने जानकारी दिएका छन् । प्रदेश १ र लुम्बिनी सरकारले लक्षण देखिएका संक्रमितको उपचार गर्ने घोषणा गरेको छ । यसले संघीय सरकारलाई बलियो नैतिक प्रश्न उठाएको छ ।
स्वास्थ्य तथा जनसंख्या मन्त्रालयले परीक्षण र उपचार नगर्ने निर्णय गरेसँगै काठमाडौंकै कोरोना अस्पतालहरुले पैसा धरौती नराखेसम्म उपचार नगर्ने सार्वजनिक सूचना जारी गरेको थियो । बानेश्वरस्थित सिभिल सर्भिस अस्पतालले ब्यानर नै टाँसेर पैसा नबुझाए सम्म उपचार नगर्ने सार्वजनिक सूचना दिएको थियो । सरकारी अस्पतालहरुबाटै उपचार नगर्ने निर्णय कार्यान्वयन हुन थालेपछि निजी अस्पतलाले निशुल्क उपचार गर्ने तत्परता देखाउने कुरै भएन ।
तर, स्वास्थ्य तथा जनसंख्या मन्त्री भानुभक्त ढकालले भने बिपन्न नागरिकलाई उपचार गराउनका निम्ति यस्तो निर्णय गर्नु परेको जवाफ दिएका छन् । सरकारले आर्थिक रुपमा विपन्न, अशक्त, असाहय अवस्थाका नागरिक, असहाय एकल महिला, अति अपाङ्गता भएका नागरिक, जेष्ठ नागरिक, अग्रपंक्तिमा खटिने स्वास्थ्यकर्मी, सरसफाइ कर्मचारी, सुरक्षाकर्मी लगायत क्षेत्रमा रहेकाहरुमा लक्षण भए मात्रै परीक्षण र उपचारमा निशुल्क गर्ने निर्णय गरेको छ । अर्थात् कोरोना रोकथाममा अग्रपंक्तिमा खटिनेहरुले पनि निशुल्क उपचार पाउने छैन । खर्च बापतको पैसा बीमा कोषबाट काटिनेछ ।
सरकारको संविधानको धारा ३५ ले आधारभूत स्वास्थ्य सेवा निशुल्क हुने र थप सेवामा सवै नागरिकको हक सुनिश्चित हुने प्रावधानलाई समेत उल्लङघन गरेको छ । अर्कातिर सर्वोच्च अदालतको फैसला समेत अपहेलना भएको छ । कोरोना संक्रामक रोग भएकाले राज्यले उपचार गराउनुपर्ने सर्वोच्चको फैसला गरेको थियो । तर, प्रदेश सरकारहरुले जस्तो निर्णय गरेको छ, यसले संघीय सरकारलाई पनि गतिलो पाठ सिकाएको छ । किनभने, महामारीकै बेला जनताले राज्यको उपस्थिति खोज्ने हो । पछिल्लो निर्णयले सरकारी अधिकारीहरुले भनेजस्तो धनाढ्यहरुमा नभई आम साधरणलाई समस्या हुनेछ । अझ त्यो भन्दा महत्वको विषय भनेको सरकारसँग नैतिकता र आम साधरणलाई बुझ्ने मनोविज्ञान नरहेको उदाङ्गो पारेको छ भने प्रदेश सरकारहरुले गरेको निर्णय स्वागतयोग्य छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies