काठमाडौँ : हेटौँडा उपमहानगरपालिका-१ स्थित चौकीटालमा देवरले भाउजूको हत्या गरेका छन् । देवर राहुल भन्ने रमेश दासले बुधवार भाउजू गुडिया दासको हत्या गरेको जिल्ला प्रहरी कार्यालय मकवानपुरले जनाएको छ ।
मकवानपुर प्रहरीका अनुसार राहुलले ३५ वर्षीया गुडिया दासलाई दिउँसो खुकुरी प्रहार गरी हत्या गरेका हुन् । भाउजू गुडियालाई घरमा नभेटिएपछि खोजतलास गर्दा घर पुगेको प्रहरीले माथिल्लो तलामा राति ९ बजे महिला मृत अवस्थामा भेटिएको हो ।
उनले मादक पदार्थ सेवन पनि गरेका थिए । यस्तै राहुलको आक्रमणबाट माहिला दाजु रुपेश दास घाइते भएका छन् । उनको हेटौँडास्थित मकवानपुर सहकारी अस्पतालमा उपचार भइरहेको छ ।
राहुल दासलाई अहिले नियन्त्रणमा लिइ थप अनुसन्धान भइरहेको प्रहरीले जनाएको छ ।
.jpg)
.jpg)
