काठमाडौं : काठमाडौंको तीनकुनेमा शुक्रबार भएको राजावादीहरूको प्रदर्शनमा संलग्नता रहेको आरोपमा पक्राउ परेका राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्र, महामन्त्री धवलशमेर जबरासहित ४१ लाई दोस्रो पटक म्याद थप भएको छ ।
उनीहरूलाई थप ६ दिन हिरासतमा राखेर अनुसन्धान गर्न बुधबार काठमाडौं जिल्ला अदालतले अनुमति दिएको हो । उनीहरू जिल्ला प्रहरी परिसर काठमाडौंको हिरासतमा छन् । म्याद थपको लागि उनीहरूलाई अदालत लगिएको थियो ।
आपराधिक उपद्रव र संगठित अपराधमा ३० जना र राज्यविरुद्धको कसुरमा ११ जना गरी ४१ जनालाई पहिलोपटक आइतबार ५ दिनको म्याद थप भएको थियो ।
मंगलबार थप १८ जनालाई पक्राउ गरेर म्याद थप गरिएको थियो ।
.jpg)
.jpg)
