काठमाडौँ : सहकारी संस्था बचत रकम दुरुपयोग सम्बन्धमा संसदीय विशेष छानबिन समितिले गृह मन्त्रालयका सचिव एकनारायण अर्याल र प्रहरी महानिरीक्षक बसन्त कुँवरलाई छलफलमा बोलाएको छ । गृह मन्त्रालयका सचिव र प्रहरी महानिरीक्षक (आईजीपी)लाई भोलिको छलफलमा बोलाईएको हो ।
सहकारीको रकम अपचलनसम्बन्धी प्रहरी कार्यालयहरूले अनुसन्धान गरिरहेको मुद्दाबारे जानकारी लिन शुक्रबार गृह मन्त्रालयका सचिव एकनारायण अर्याल र प्रहरी महानिरीक्षक बसन्त कुँवरलाई बोलाईएको हो ।
समितिले महालेखापरीक्षक तोयम राय, सम्पत्ति शुद्धीकरण अनुसन्धान विभागका कमलप्रसाद भट्टराई, सहकारी विभागका रजिष्ट्रार पीताम्बर घिमिरेसँग छलफल गरिसकेको छ ।
उपप्रधानमन्त्री तथा गृहमन्त्री रवि लामिछाने सहकारीको रकम दुरुपयोगमा मुछिएको भन्दै नेपाली कांग्रेस लगातार संसद अवरुद्ध गरेपछि सहकारीको वचत रकम अपचलनका विषयमा छानबिन गर्न संसदीय समिति गठन गरिएको थियो ।
.jpg)
