काठमाडौं : कोरोना संक्रमितहरुको संख्यामा एकाएक वृद्धि भएपछि मलेसियाले आगामी अगस्टसम्म सर्तसहितको संकटकाल घोषणा गरेको छ । मलेसियाको मन्त्रिपरिषद्को निर्णय पछि स्थानीय समयअनुसार मंगलबार बिहान सुल्तान याङ्गडी प्रेतौन आगोङ अल सुल्तान अब्दुल्लाह रियात्द्धिन अल मुस्ताफा बिल्लाह शाहले संकटकालको आदेश घोषणा गरेका हुन् ।
परिस्थितमा सुधार आए अगस्ट अघि नै संकटकालको घोषणा फिर्ता हुने छ । त्यसका लागि सिफारिश गर्न मन्त्रीको अध्यक्षतामा एक कमिटी गठन गरिएको छ । संकटकालको कार्यान्वयन सोमबार रातिदेखि भएको छ । प्रमुख सडकहरुमा यातायात अवरोध गरिएको छ । तर प्रधानमन्त्री तान श्री मुहयुद्धीन यासिनले संकटकालको अवधिमा कर्फ्यू आदेश जारी नगर्ने बताएका छन् ।
मलेसियाको राजधानी क्वालालम्पुर र प्रमुख प्रशासनिक क्षेत्र पुत्राजयसहित ६ राज्यमा कोरोनाको प्रकोप बढी देखिएको स्थानीय सञ्चारमाध्यमहरुले उल्लेख गरेका छन् । क्वालालम्पुर र पुत्रालयसहित जाहोर, मेलक्का, सेलोडगार, पेनाड, सबाह, लेबुनमा जनवरी २६ तारेखसम्म आवागमन नियन्त्रण आदेश (एमओसी) लागू गरिएको छ । मलेसियामा कोरोना भाइरस संक्रमण नियन्त्रित हुने र विदेशी कामदारहरुको एप्रुभल शुरु हुने अपेक्षा गरिएको बेला संकटकाल लागेको हो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies