रौतहट : रौतहट सदरमुकाम गौर नगरपालिका १ मा एक पुरुषको शव फेला परेको छ । बाटोमा शव देखेपछि स्थानीयले प्रहरीलाई खबर गरेका थिए ।
सूचना पाएलगत्तै जिल्ला प्रहरी कार्यालय रौतहटबाट प्रहरीको टोली घटनास्थलमा पुगेर शवको अनुसन्धान सुरु गरेको छ । प्रहरीका अनुसार मृतकको उमेर करिब ३० वर्षको आसपास देखिन्छ भने उनको पहिचान खुल्न सकेको छैन । घटनाको प्रकृति शंकास्पद रहेको प्रहरीले जनाएको छ । शव पोष्टमार्टमका लागि प्रादेशिक अस्पताल गौर पठाइएको छ ।
