काठमाडौं : नेकपा (माओवादी केन्द्र)ले पार्टी परित्याग गरी एमाले प्रवेश गरेका चारजना सांसदलाई सांसद पदबाट हटाएको पत्र संघीय संसद् सचिवालयमा बुझाएको छ ।
मंगलबार माओवादीका प्रमुख सचेतक देव गुरुङले प्रतिनिधिसभाका चार जना सांसदहरू लेखराज भट्ट, टोपबहादुर रायमाझी, प्रभु साह र गौरीशंकर चौधरीलाई सांसद पदबाट हटाउन लेखेको पत्र संसद् सचिवालयमा बुझाएको संसद सचिवालयका प्रवक्ता रोजनाथ पाण्डेले जानकारी दिएका छन् । चारैजना सांसद अहिले मन्त्री छन् ।
उनीहरू नेकपा एमाले पार्टीको केन्द्रीय सदस्यमा पनि मनोनित भएका छन् । माओवादीको पत्र आएकाले अव पत्रअनुसार कारबाही प्रक्रिया अघि बढेको प्रवक्ता पाण्डेले बताए ।
तर, राष्ट्रियसभा सदस्य रहेका रामबहादुर थापा ‘बादल’ भने कारबाहीमा परेनन् । प्रमुख सचेतक देव गुरुङले थापालाई कारबाही गर्ने सम्बन्धमा दलको नेता उपत्यका बाहिर रहेकाले सचिवालयमा जानकारी गराउन बाँकी रहेको जानकारी दिए ।
संसद् चलेको बेला सांसदबाट हटाइएको सूचना प्रतिनिधिसभा बैठकमा सभामुखले जानकारी दिनुपर्ने कानूनी व्यवस्था छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies